Жоғарғы Сот Төрағасы Асламбек Мерғалиев жоғары сот органындағы әйелдерді 8 наурыз – Халықаралық әйелдер күнімен құттықтады.
А.Мерғалиев Президенттің мемлекеттік қызметке әйелдерді көбірек тарту қажеттігі туралы пікірін еске сала отырып, сот жүйесінде еңбек етіп жатқан нәзік жанды әріптестерге ізгі тілегін білдірді.
«Аманат» партиясы Саяси кеңесі бюросының қаулысымен Парламент Мәжілісі депутатының бос мандаты Сот әкімшілігі басшысының бірінші орынбасары Нұрсұлтан Байтілесовке берілді.
Осыған орай, Жоғарғы Сот Төрағасы Асламбек Мерғалиев салтанатты іс-шара өткізді. Оған Жоғарғы Соттың алқа төрағалары мен СӘ басшылығы қатысты.
А.Мерғалиев Нұрсұлтан Төленұлының сот жүйесінің дамуына қосқан үлесін атап өтті: ол 14 жыл бойы аудандық соттың жетекші маманынан СӘ басшысының бірінші орынбасарына дейінгі жолды жүріп өтті. Осы уақытқа дейін өзіне жүктелген міндеттерді лайықты атқарып келді.
